Maxfiylik siyosati

Qanday ma'lumot yig'amiz

• Telefon raqam — hisobning o'zi. Bu majburiy, chunki kirish faqat SMS kodi orqali.
• Ism — buyurtmani rasmiylashtirish va sotuvchiga ko'rsatish uchun.
• Yetkazib berish manzili — kuryerga topshirish uchun.
• Buyurtmalar tarixi — hisobingizda ko'rinadi, qaytarish va nizo uchun kerak.
• Viloyat va tuman — yaqin do'konlarni ko'rsatish uchun.
• Texnik ma'lumot — qurilma turi, brauzer, IP manzil, sessiya. Xavfsizlik va nosozliklarni tuzatish uchun.
• Foydalanish statistikasi — qaysi sahifalar ochilgani. Saytni yaxshilash uchun, shaxsni aniqlamagan holda.

Nima uchun ishlatiladi

• Buyurtmani qabul qilish, yetkazish va to'lovni amalga oshirish.
• Buyurtma holati haqida xabar berish (SMS va Telegram).
• Qaytarish, pul qaytarish va nizolarni ko'rib chiqish.
• Firibgarlik va suiiste'molning oldini olish.
• Xizmatni yaxshilash — umumlashtirilgan statistika asosida.

Kim ko'radi

Buyurtma bergan sotuvchi sizning ismingiz, telefoningiz va yetkazish manzilingizni ko'radi — bu buyurtmani bajarish uchun zarur. U boshqa sotuvchilarning buyurtmalarini ko'rmaydi.

Kuryer yetkazish uchun zarur ma'lumotni oladi.

Xizmat ko'rsatuvchilar: SMS operatori (kodni yuborish uchun), to'lov provayderi, xosting va xarita xizmati. Ular ma'lumotni faqat shu vazifa uchun oladi.

Qonun talab qilgan holatlarda vakolatli organlarga.

Nima QILMAYMIZ

• Ma'lumotingizni sotmaymiz.
• Uchinchi tomonga reklama uchun bermaymiz.
• Sotuvchiga sizning boshqa do'konlardagi buyurtmalaringizni ko'rsatmaymiz.
• Sotuvchining karta ma'lumotini xaridorga, xaridornikini sotuvchiga ko'rsatmaymiz.

Qanday himoyalanadi

Ulanish HTTPS orqali shifrlanadi. Parol qaytarib o'qib bo'lmaydigan shaklda (hash) saqlanadi — uni biz ham ko'ra olmaymiz.

SMS kodlari ham hash bilan saqlanadi va qisqa muddatdan keyin kuchini yo'qotadi.

Ma'lumotga kirish xodimlar orasida vazifaga qarab cheklangan.

Qancha saqlanadi

Hisob ma'lumoti — hisob mavjud ekan. Buyurtma va to'lov yozuvlari — buxgalteriya va soliq talablariga muvofiq muddat davomida, hisob o'chirilgandan keyin ham.

Sessiya va texnik jurnal — cheklangan muddat, so'ng o'chiriladi.

Sizning huquqlaringiz

Murojaat: @tezdetal_uz yoki +998 90 004 49 01.

• Biz sizda qanday ma'lumot saqlayotganimizni so'rash.
• Noto'g'ri ma'lumotni tuzatish — ko'pchiligini profilda o'zingiz o'zgartirasiz.
• Hisobni o'chirish. Buyurtma yozuvlari qonuniy muddat davomida saqlanib qoladi.
• Telegram xabarlaridan voz kechish. Buyurtma holati haqidagi xabarlar bundan mustasno — ular xizmatning bir qismi.

Cookie va shunga o'xshash texnologiyalar

Sayt sessiyani saqlash, tilni va tanlangan viloyatni eslab qolish uchun brauzer xotirasidan foydalanadi. Bularsiz sayt ishlamaydi.

Bundan tashqari foydalanish statistikasi yig'iladi — u umumlashtirilgan ko'rinishda va shaxsni aniqlash uchun ishlatilmaydi.